Kultura Barrutik
Noiz?
maiatzak 5 - irailak 30
Non?
Barrutia 01 - Deustu, Barrutia 02 - Uribarri, Barrutia 03 - Otxarkoaga/Txurdinaga, Barrutia 04 - Begoña, Barrutia 05 - Ibaiondo, Barrutia 06 - Abando, Barrutia 07 - Errekalde, Barrutia 08 – Basurtu/Zorrotza

SARRERAK ERRESERBATZEKO SISTEMAK

  • Ekitaldi hauetako sarrera dohainik da; lekua aldez aurretik erreserbatu daiteke. Ikuskizuna hasi baino 48 ordu lehenagotik 2 ordu lehenagora arte egin daitezke erreserbak, kulturabilbao.firebaseapp.com/ web-orrian.
  • Gehienez 2 toki erreserbatu ditzake pertsona bakoitzak; ikuskizuna hasi baino 15 minutu lehenagora arte izango du balioa erreserbak.
  • Antolatzaileek pertsona bakoitzaren jarlekua erabakiko dute eta hara lagunduko diote.  Jarleku guztiek 1,5 metroko segurtasun-distantzia mantenduko dute.

NAHITAEZKOA DA INDARREAN DAUDEN BABES ETA HIGIENE-NEURRIAK BETETZEA. NEURRI HORIEK WWW.BILBAOKULTURA.EUS WEBGUNEAN DAUDE JASOTA. BAITA ERE NAHITAEZKOA DA MASKARA ERABILTZEA EMANALDI OSOAN.

MUSIKAUZO 2021

IRAILAK 5 - OLABEAGA, SAN NIKOLAS ELIZAREN ONDOKO PLAZA (13:00) - THE BINILO'S

Dotoretasuna eta umorea elkarren eskutik doaz. Bikote umoristiko bat dira, euskaraz, ingelesez nahiz gaztelaniaz abestutako musika, show dibertigarri eta partehartzaile batekin nahasten dute. 30, 40, 50 eta 60. hamarkadetako abestien bertsioak jotzen dituzte umore ukitu berezi batekin, garai horietako irratsaio bat irudikatzen dutelarik.

Bideoa

IRAILAK 16 - SANTUTXU, KARMELO PLAZA (19:30) - JONU KANTAUTOREA

2000. urtean hasi zen gitarra lagun zeukalarik, jai, gaztetxe eta aretoetan kontzertuak ematen. Hasieratik eta gaur arte, asmoa beti izan du bera: ideiak musikaren bidez adierazi eta musikaz gozatzea. Abestien hitzak eta musika berak idatzi eta konposatu ditu. Zuzenekoetan bere abestiez gain, Euskal Herriko abesti tradizionalak eta euskal taldeen bertsioak entzun daitezke.

Bideoa

IRAILAK 23 - SANTUTXU, KARMELO PLAZA (19:30) - ZAZKEL

Zazkel taldea Bilbon 2012an elkartu ziren sei kidek osatzen dute. Hauen asmoa gitarra, bateria, baxua, sintetizadorea eta ahotsaren bitartez euskal musikari ekarpen berri bat egitea izan da. 80ko hamarkadako talde euskaldun zein atzerritarren erritmoetan oinarrituta, Euskal Pop Erradikala aldarrikatzen du taldeak.

Bideoa

IRAILAK 24 - ERREKALDE, PLAZA (19:30) - CONFLUENCE

Confluence taldea Irrintzi Ibarrolaren (ahotsa, gitarra akustikoa eta konposizioa) eta Jorge Grosen (gitarra) arteko topaketa da, 2014. urtean sortua. Batak bere kantuak jotzen zituen: ingelesez abestutako kantak, Mississippi zaharraren usainarekin. Besteak, berriz, pop-rockeko klasikoak jotzen zituen. Ondo moldatu ziren eta, berehala, elkarrekin jotzen hasi ziren.

IRAILAK 30 - SANTUTXU, KARMELO PLAZA (19:30) - XUKELAK

Musikak piztiak baretzen dituen modu berean, lagunak batzeko ahalmena ere baduela esan dezakegu eta horren “biktima” izan dira. Taldekide guztiak urteak daramatzate doinuen munduan jolasean eta bide horretan asko izan dira euren motxiletan lekua hartu duten melodia eta erritmoak: Irlandatik Galiziara, Extremaduratik Brasilera eta Kolonbiatik Euskal Herrira buelta.

Bideoa