Kultura Barrutik
Noiz?
irailak 16 - irailak 17
Non?
Barrutia 05 - Ibaiondo

Irailak 16 eta 17

Gas Plaza

IBAIONDO DANTZAN

HAATIK DANTZA KONPAINIA

“Ur” (20 min)

Ekonomia jasangarriaren aldeko alegoria bat.

Edo agian modu jasangarri batean bizitzeko aukerarik dugun hausnartzeko balio duen lan bat.

Ez ekintza huts eta anekdotikoetan geratuz. Ez soilik jaki, jantzi edo kontsumo beharren asetzeko produktuetan erreparatuz. Bizitza beraren oinarri eta garapenean gizaki eta natur baliabideen arteko elkar ulertze zintzo baten beharrean baizik.

Eta zoritxarrez horren ohituak gauden arren, natura gizakiaren beharretara moldatzeko joeraren ondorioak agertuz.

https://www.haatik.com/eu/

MATXALEN BILBAO

“FUGAS” (20 min)

FUGAS lanak taldearen ideiaren inguruan hausnartzen jarraitzen du, GEAR hiri-espazioetarako aurreko piezan landu zen ideian; azken horretan, engranajeen, migrazioen eta konposizio eskultorikoen irudiak landu ziren sorkuntza-iturri gisa.

Beste ikuspegi batetik, FUGASek harreman-modu berriak formulatzen ditu, hainbat mendekotasun-mota antolatzen ditu Kontzeptu berari buruzko hainbat egoera zabaltzen ditu. “Taldea”.

Chopin eta Bachen musikaren bidez, antolaketa eta konposizio eskultorikoen irudiak lotzen dira FUGAS lanean. Konposatzaile horiek sormen-kliskagailu modura erabiltzen dira atmosfera atenporala eraikitzeko, non erreferentzia klasikoak egungoekin alderatzen baitira, non Chopinen fintasuna eta Bachen indarra alderatzen baitira.

Bidaia zirraragarri eta laburra.

http://www.matxalenbilbao.es/

MYRIAM PÉREZ CAZABON

Nere azalean arrotz (18 min)

Presentzia kontzeptuari dagokionez, pieza honen oinarria zera da, izan gabe egotea. Pertsona baten presentzian gertatzen den aldaketari buruzko gogoeta da, aldaketa noiz eta persona horren barne-mundua hausten denean eta arrotz sentitzen dituenean bere izaera eta bere egoteko era, ordura arte baleko zitzaizkionak. Presente egoten jarraitzen du pertsonak, ala absentzian murgiltzen da? Eta pertsonak absente badirudi, non geratzen dira haren izaera eta egoteko era? Nola ageri da hori gorputzaren fisikotasunean?

MugMus KULTUR LABORATEGIA

“Garaiz: 60 t.m.” (25 min)

Denborak uneoro zeharkatzen gaitu eta azalerak, bolumenak, ibilbideak eta joan-etorriak ditugu horren lekuko. Denborak uneoro besarkatzen gaitu eta azala, nortasuna, adina eta harremanak ditugu horren lekuko. Denborak uneoro laztantzen gaitu eta maitasuna, bakardadea, higadura eta menpekotasuna ditugu horren lekuko. Denbora da lekukoa eta heldulekua. Zer iragan da, zertan ari gara eta zeri begira jarriko gara? Garaiz gaude oraindik: zertarako? Gorputzak eta enborrak mugimenduan, dantza, zuzeneko musika eta hotsak higiduran, eta hitzak ibiltari, ahoz gora eta idatziz. Bi dantzari, bi musikari eta idazle bat denbora zizelkatuz.

https://mugmus.eus/

RAQUEL KOROMA + AFRODELICIOUS

 (15 min)

Sei dantzarik osatutako dantza-taldea. Urrunxeago joan nahi izan dute bilaketan, eta estilo fresko eta energetiko berria ekartzeko elkartu dira, Afrikako sustrai tradizionalak beren belaunaldiko dantzekin integratuz.

Afrobeat-aren indarra eta erritmo alaia, akrobaziak eta dancehall-aren sentsualitatea hiri-artearekin uztartzen dute, eta adin guztietako pertsonak erritmo berri horiez gozatzera gonbidatzen dute, ikusleak hunkitu egingo baitituzte.

CRAZY HOSPITAL

(15 min)

Breakdance-ko «Crazy Hospital» taldeko kideek 17 urte baino gehiago daramatzate dantza egiten, akademietan eskolak ematen, nazioarteko lehiaketetan parte hartzen; izan ere, 2017ko Got Talent Españako finalista izan ziren. Hainbat ordu entrenatuta, ezinezko mugimenduen eta sentsazioen bidez giza gorputzak dituen adierazpen-aukera infinituak aztertzen dituzte, “bboy” estilo berezia lortzen dute, mihisea balitz bezala.