Kultura Barrutik
Noiz?
otsailak 3 - martxoak 10
Non?
Barrutia 01 - Deustu, Barrutia 03 - Otxarkoaga/Txurdinaga, Barrutia 04 - Begoña, Barrutia 05 - Ibaiondo, Barrutia 06 - Abando, Barrutia 07 - Errekalde

Todos los conciertos comenzarán a las 19:00

Precio de entradas: 5 €

BILBAO DISTRITO JAZZ 2023

OTS 3, Rekaldeko udaltegia - MIKKEL PLOUG TRÍO

Mikkel Ploug gitarrista daniarra gitarra garaikidearen nazioarteko izen handietako bat da. 2018an kaleratu zuen Faroe albumak Jazz instrumentalaren sari onenaren Grammy saria eskuratzeko izendatutakoetako bat izan zen. Banda-zuzendari eta bandako kide bezala jo du Mark Turne, Loren Stillman, Bill McHenry edo Joachim Badenhorst musikari ospetsuekin, besteak beste.

OTS 10, Sarrikoko kontserbatorioan - ANTONIO MAZZEI TRÍO

Venezuela jaioterriko musikari garrantzitsuenetako bat da Antonio Mazzei pianista, konpositore eta produktore saritua.  Beka bati esker, The New School for Jazz and Contemporary Music-en ikasteko aukera izan zuen, New Yorken, eta han garatu zuen bere karrera, hamarkada batean baino gehiagotan zehar, bertako eszenako pianista ezagun gisa. Gero, Bartzelonan errotu zen.

Mazzeik hainbat proiektutan parte hartu du, eta lankidetzan aritu da, estu-estu, Paquito D’Rivera, Joel Frahm, Clarence Penn,  Janis Siegel; eta Rubén Blades bezalako artistekin.

OTS 17, Begoñako udaltegia - CAPITAL TRÍO

Javier Moreno kontrabaxu-jotzaileak gidatzen du Trío Capital. Ibilbide oparoa izateaz gain, jazz-musikariak Gerald Cleaver, Tim Berne, Dino Saluzzi, Tony Malaby, Carmen Linares edo Javier Ruibal handiekin batera jo du. Azken hamarkadan, New Yorken bizi da, batez ere; eta, tarteka, Erroman, Parisen eta Buenos Airesen ere bai.

OTS 24, Otxarkoagako udaltegia - MARIANO DÍAZ & JAVIER MALOSETTI BAND

Argentinako jazz-rockaren erreferenteetako bat da Javier Malosetti. Luis Alberto Spinettaren bandako kidea izan zen zortzi urtez, eta Hego Amerika osoko bajista garrantzitsuenetako bat da. Oraingo honetan, Mariano Díaz maisu argentinarrarekin batera gidatzen duen laukote fresko hau aurkezten digu. Díazek, pianista, teklista, konpositore, moldatzaile eta produktore gisa, Pedro Iturralde, Perico Sambeat, Jorge Pardo, Sonny Fortune, Frank Lazy eta Gerardo Núñez bezalako musikariekin lan egin du.

MAR 4, Bertendona Institutoa - SCATTER THE ATOMS THAT REMAIN

New Yorketik datorkigu musika-proiektu hau, belaunaldi desberdinetako bi izen handik sustatuta: batetik, Franklin Kiermyer bateria-jotzaile, konpositore eta orkestra-zuzendari handi eta eskarmentuduna; eta, bestetik, Davis Whitfield pianista gazte aparta, New Yorkeko Jazz Standard Youth Orchestraren zuzendariordea eta Berklee College of Music prestigiotsuaren ohorezko graduduna.

MAR 10, Bidebarrietako Liburutegia - VÍCTOR DE DIEGO ON TRANE La música de John Coltrane

Bartzelonan bizi den Víctor de Diego saxofonista bilbotarrak La música de John Coltrane proiektu berria aurkezten digu: jazzaren historiako artista garrantzitsuenetakoa izan zen saxofonista eta konpositore ospetsuaren lanetan oinarritutako errepertorioa.

Laukotean, estatuko agertokiko artista gazte eskarmentudunak daude. Beren ikuspegi pertsonaletik jotzen dute, jatorrizko moldaketak barne.